[ព័ត៌មានក្ដៅៗ] ករណីរំលោភបូកក្មេងស្រី ១៦ឆ្នាំ! កម្លាំងអាវុធហត្ថស្រាវជ្រាវចាប់បានជនសង្ស័យម្នាក់ បន្តតាមប្រមាញ់បក្ខពួក៣នាក់ទៀត

 

(បន្ទាយមានជ័យ)៖ នៅថ្ងៃទី០២ ខែកក្កដា ឆ្នាំ២០២៦ កម្លាំងកងរាជអាវុធហត្ថខេត្តបន្ទាយមានជ័យ បានបញ្ជូនជនសង្ស័យឈ្មោះ និន យ៉ាង (អាយុ ១៩ឆ្នាំ) ទៅកាន់សាលាដំបូងខេត្ត ដើម្បីអនុវត្តនីតិវិធីច្បាប់ ពាក់ព័ន្ធករណី «រំលោភសេពសន្ថវៈស្ថានទម្ងន់ទោស (រំលោភបូក)» លើក្មេងស្រីអាយុ ១៦ឆ្នាំ។

ក្រោមការបញ្ជាផ្ទាល់ពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត កម្លាំងមូលដ្ឋានកងរាជអាវុធហត្ថក្រុងសិរីសោភ័ណ ដឹកនាំដោយលោកវរសេនីយ៍ត្រី សុខ ឡេង បានចុះស្រាវជ្រាវ និងឃាត់ខ្លួនជនសង្ស័យបានភ្លាមៗ បន្ទាប់ពីទទួលបានពាក្យបណ្តឹង។ ជនសង្ស័យរូបនេះក៏ត្រូវបានរកឃើញថាមានសារធាតុញៀនក្នុងខ្លួនផងដែរ។
ក្រោយសាកសួរ និងទទួលបានចម្លើយសារភាពពីជនសង្ស័យថាបានព្រួតគ្នាប្រព្រឹត្តអំពើល្មោភកាមពិតមែន កម្លាំងជំនាញមូលដ្ឋានបានកសាងសំណុំរឿងបញ្ជូនបន្តទៅកាន់បញ្ជាការដ្ឋានកងរាជអាវុធហត្ថខេត្តបន្ទាយមានជ័យ។
ដោយមានការសម្របសម្រួលនីតិវិធីពីឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្ត កម្លាំងការិយាល័យជួញដូរមនុស្ស និងការពារអនីតិជននៃកងរាជអាវុធហត្ថខេត្ត បានបញ្ជូនជនសង្ស័យទៅតុលាការ ដើម្បីចាត់ការតាមនីតិវិធីច្បាប់។

លោកវរសេនីយ៍ទោ ព្រហ្ម ថេង ប្រធានមន្ទីរស្រាវជ្រាវ និងបង្ក្រាបបទល្មើស បានបញ្ជាក់ថា កម្លាំងជំនាញកំពុងបន្តបើកប្រតិបត្តិការស្រាវជ្រាវយ៉ាងក្តៅគគុក ដើម្បីតាមចាប់ខ្លួនបក្ខពួកចំនួន ៣នាក់ទៀតដែលកំពុងរត់គេចខ្លួន មកផ្តន្ទាទោសតាមច្បាប់ឱ្យខានតែបាន។
📢 សូមបងប្អូនជួយចែករំលែកបន្ត ដើម្បីចូលរួមទប់ស្កាត់អំពើល្មើសនៅក្នុងសង្គម!
#ព័ត៌មានក្ដៅ #យុត្តិធម៌ #កងរាជអាវុធហត្ថ #បន្ទាយមានជ័យ #ព័ត៌មានទាន់ហេតុការ ២៤ ម៉ោង ដោយលោក ហ៊ីង ចាន់ថន សារព័ត៌មាន SNTV ប្រចាំខេត្តបន្ទាយមានជ័យ