កិច្ចប្រតិបត្តិការដ៏មានសារៈសំខាន់នេះ ដឹកនាំផ្ទាល់ដោយ លោក ហ៊ឹល រ៉ាយ៉ា អភិបាលរងខេត្ត ជាតំណាងដ៏ខ្ពង់ខ្ពស់របស់ ឯកឧត្តម អ៊ុំ រាត្រី អភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្ត ដោយមានអមដំណើរពី លោក ស្រេង សុផល អភិបាលក្រុង និងជាប្រធានគណៈបញ្ជាការក្រុងសិរីសោភ័ណ ព្រមទាំងកម្លាំងនគរបាល និងកងរាជអាវុធហត្ថខេត្ត-ក្រុង។
ជាពិសេស កិច្ចការងារអធិការកិច្ច និងនីតិវិធីនេះ ក៏មានការសម្របសម្រួលផ្ទាល់ពី លោក សោ វុទ្ធី ព្រះរាជអាជ្ញារង នៃអយ្យការអមសាលាដំបូងខេត្តផងដែរ។ ជាលទ្ធផលបឋម ក្នុងកិច្ចចុះត្រួតពិនិត្យទីតាំងខាងលើ សមត្ថកិច្ចរកឃើញ និងឃាត់ខ្លួនអ្នកពាក់ព័ន្ធចំនួន ០៣នាក់ ដើម្បីបន្តស្រាវជ្រាវ និងចាត់វិធានការតាមផ្លូវច្បាប់។
បច្ចុប្បន្ន ក្រុមការងារជំនាញកំពុងបន្តបើកការស៊ើបអង្កេតយ៉ាងហ្មត់ចត់ ដើម្បីវែកមុខអ្នកពាក់ព័ន្ធផ្សេងទៀតមកផ្តន្ទាទោសតាមច្បាប់ជាធរមាន។
✍️ រាយការណ៍ដោយ៖ លោក ហ៊ីង ចាន់ថន ពីសារព័ត៌មាន SNTV ប្រចាំខេត្តបន្ទាយមានជ័យ